MBA Rheolaeth y Celfyddydau Broffesiynol - Lefel 7

Coracle

Mae’r MBA mewn Rheolaeth Celfyddydau Broffesiynol yn anelu at roi i fyfyrwyr ddealltwriaeth integredig a beirniadol ymwybodol o Reolaeth Celfyddydau, a’u cynorthwyo i ddod yn Rheolwyr Celfyddydau effeithiol.

Mae’n cynnig y cyfle i alluogi ymarferwyr celfyddydau i ennill cymhwyster allai arwain at ddod yn rheolydd o’r safon uchaf yn y sector celfyddydau neu i fynd yn hunan gyflogedig.

Mae’r MBA, sy’n cynnig gwybodaeth busnes & dealltwriaeth ariannol ar lefel uwch, hefyd yn anelu at roi ichi’r medrau ymarferol sydd eu hangen arnoch i redeg busnes. Ceir cyfle hefyd i rannu gwybodaeth gyda chymheiriaid yn yr Iwerddon, ac i gael gwybod am wahanol arlliwiau’r ddau ddiwylliant.

Cefndir

Mae’r MBA yn cael ei redeg trwy CORACLE, sy’n Brosiect Interreg 4a.

O dan arweiniad Y Drindod Dewi Sant, mae CORACLE yn cynnwys partneriaeth rhwng:
Prifysgol Cymru – Y Drindod Dewi Sant
Cyngor Sir Caerfyrddin
IT Carlow (Campws Wexford)
Cyngor Sir Wexford
Canolfan y Celfyddydau Wexford

Mae gan yr holl bartneriaid rolau penodol i’w chwarae o ran gwella medrau a gwybodaeth ym maes celfyddyd a diwylliant - cysylltu creadigrwydd, gan gynnwys oriel, gwyl a chyfnewidiadau llenyddol & datblygu theatr ieuenctid a medrau cysylltiol.
YDDS & IT Carlow yw’r prif bartneriaid ar gyfer yr MBA.

Am bwy ydyn ni’n chwilio?

  • Ymarferwyr celfyddydol unigol
  • Rheolwyr canolfannau; orielau; gwyliau (e.e.)
  • Graddedigion

Y gofynion mynediad ar gyfer rhaglen ôl-radd yw gradd neu gymhwyster proffesiynol sy’n cael ei ystyried gyfwerth. Gellir derbyn ymgeisydd heb radd ar yr amod ei fod ef/bod hi wedi gweithio, am o leiaf 2 flynedd, mewn swydd gyfrifol sy’n berthnasol i’r cynllun dan sylw neu sydd wedi cwblhau’n llwyddiannus Raglen Mynediad Meistr y Brifysgol (MEP).
Dewisir ymgeiswyr trwy CV & chyfweliad.
Mae croeso arbennig i geisiadau gan fyfyrwyr ag anableddau.

Beth mae’n ei olygu?

  • Llawn amser am flwyddyn
  • Rhan amser dros 2 flynedd
  • Gwaith caled, ymroddiad & aberth
  • Oriau hir a meddwl dwys
  • Nod cyraeddadwy trwy waith caled
  • Boddhad gyda’r hyn a gyflawnwyd
  • Ewfforia wedi ichi lwyddo

Y Prif Feysydd yr ymdrinnir â nhw:

  • Mae’r modylau gosod fel a ganlyn:-
  • Rheolaeth Ariannol (10 credyd)
  • Rheolaeth Adnoddau Dynol (10)
  • Rheolaeth Marchnata (10)
  • Rheolaeth Strategol (10)
  • Unigolion mewn Sefydliadau (10)
  • Ymddygiad Sefydliadol (10)
  • Methodoleg Ymchwil (20)

Mae modylau Llwybr ar gael mewn:-

  • Diwylliannaeth (10)
  • Ariannu’r Celfyddydau (10)
  • Busnes Creadigrwydd (10)
  • Prosiect (10) – Dysgu seiliedig ar arfer
  • Y gwaith terfynol fydd traethawd hir gwerth 60 credyd

Cyfanswm – 180 credyd

Cyrsiau Byrion

Rydym yn bwriadu cynnal cyfres o gyrsiau byrion cyn yr MBA sy’n cael eu hanelu at y rhai ohonoch sydd wedi bod allan o’r byd academaidd ers tro ac sydd angen cyfleoedd gloywi ac ar gyfer y rhai ohonoch sydd mewn swyddi rheoli ac a fyddai’n falch o gael blas o weithio ar AU Lefel 7. Bydd manylion y cyrsiau hyn yn cael eu cyhoeddi unwaith y cytunwyd y rhaglen.

Mwy o wybodaeth

Mae crynodebau o’r hyn sydd dan sylw, a’r trefniadau ar gyfer cofrestru, ar gael trwy ofyn amdanynt.
Manylion cysylltu:- huw.thomas@tsd.ac.uk neu ffoniwch:- 01570 424726

 

coracle