BA Yr Actor a'r Celfyddydau

Cynnwys y Cwrs

Bwriad y radd hon yw meithrin creadigrwydd actorion crefftus, disgybledig ac ymroddedig gyda'r adnoddau angenrheidiol i weithio o fewn sawl maes a chyfrwng.

Mae'n graddau i gyd yn dilyn strwythur tebyg, gan gychwyn gyda blwyddyn gyntaf sy'n cynnig ystod eang o fodylau a phrofiadau addysgol amrywiol.

Yna yn yr ail, mae'r gwaith yn mynd yn gynyddol bwnc benodol, ac yna yn y drydedd flwyddyn ceir pwyslais cryf ar waith ymarferol a pherfformiadau cyhoeddus.

Cymhwyster
BA (Anrhydedd Sengl)

Côd UCAS
W411

Cymraeg

Hyd y Cwrs
3 blynedd llawn-amser

Gofynion Derbyn

Gweler cyflwyniad y Prosbectws.

Gwahoddir pob ymgeisydd i glyweliad er mwyn asesu eu priodoldeb i'r rhaglen. Mae angen meddu ar sgiliau llythrennedd da, gan amlaf, gyda TGAU Gradd C neu uwch yn y Gymraeg.

Cyfleoedd Gyrfa

Dylai pob ymgeisydd gydnabod bod y byd perfformio proffesiynol yn faes cystadleuol dros ben, ac mai nifer bychan o bobl - mewn gwirionedd - sy'n llwyddo i wneud bywoliaeth fel actorion a pherfformwyr llawn amser.

Fodd bynnag, mae yna alw cyson gan gyflogwyr am bobl wybodus sydd â thalentau creadigol disglair ac amrywiol. Am y rheswm hwnnw, cynlluniwyd y radd hon mewn modd sy'n datblygu sgiliau perfformio unigolion, tra ar yr un pryd yn datblygu ystod o sgiliau academaidd a sgiliau trosglwyddadwy eraill allai gadw drysau gyrfaol eraill ar agor.

Mae'r cysylltiadau sydd gan yr Ysgol â'r diwydiannau perfformio a chyfryngol wedi arwain at gyflogaeth i nifer fawr o'n graddedigion, mae eraill wedi mynd yn eu blaenau i weithio mewn meysydd ehangach gan gynnwys byd addysg a gwasanaethau cyhoeddus.

Adran

Ysgol y Celfyddydau Perfformio

Campws

Campws Caerfyrddin

Modylau Enghreifftiol

  • Gwaith llais ac acenion
  • Shakespeare ar y Llwyfan Cyfoes
  • Dadansoddi Testun
  • Darlledu o Stiwdio
  • Hyfforddiant Lleisiol
  • Sgriptio
  • Ffilmio
  • Cynyrchiadau Theatr
  • Prosiect Personol

Nodweddion Allweddol

  • Cynyrchiadau dan gyfarwyddyd actorion a chyfarwyddwyr profiadol
  • Cyfle i feithrin cysylltiad uniongyrchol â chyflogwyr
  • Sesiynau Hyfforddiant Unigol
  • Cyngherddau a pherfformiadau gan fyfyrwyr
  • Ymweliadau
  • Siaradwyr gwadd
  • Gweithdai
  • Sgiliau trosglwyddadwy helaeth
  • Cyfle i astudio dramor am gyfnod ar raglen gyfnewid rhyngwladol yr Ysgol
  • Cwrs lle rhoddir ystyriaeth i ddatblygu potensial pob unigolyn yn llawn
  • Cyfle i ddatblygu doniau newydd a chyfle i'w harddangos
  • Cyfle i herio ac ymestyn galluoedd academaidd
  • Awyrgylch Gymreig a phrofiad o fywyd unigryw y Drindod
  • Cyfle i feithrin sgiliau galwedigaethol holl bwysig
  • Dewisiadau penodol, addas i ddoniau a diddordeb personol yr unigolyn
  • Cysylltiadau uniongyrchol â'r diwydiannau perfformio a chyfryngol
  • Gweithgareddau celfyddydol bywiog a chyson ar y campws

Pam astudio yn y Brifysgol hon?

  • Cwrs lle rhoddir ystyriaeth i ddatblygu potensial pob unigolyn yn llawn
  • Cyfle i ddatblygu doniau newydd a chael cyfle i’w harddangos
  • Cyfle i ymestyn galluoedd academaidd
  • Tîm sefydlog o fyfyrwyr Cymraeg brwdfrydig
  • Awyrgylch Gymreig a phrofiad o fywyd unigryw Prifysgol Cymru: Y Drindod Dewi Sant
  • Cyfle i feithrin nifer fawr o sgiliau galwedigaethol holl bwysig
  • Llwybrau penodol, addas i ddoniau personol yr unigolyn
  • Cysylltiadau uniongyrchol â’r diwydiannau perfformio a chyfryngol
  • Gweithgareddau celfyddydol bywiog a chyson ar y campws

Manylebau Rhaglen

Amcanion addysgol y rhaglen yw i:

  • meithrin myfyrwyr a chanddynt ddealltwriaeth o sgiliau, prosesau a chyfryngau perfformio yr actor;
  • datblygu sgiliau perfformio y myfyrwyr;
  • datblygu dealltwriaeth a gwerthfawrogiad y myfyrwyr o’r traddodiad theatrig a pherfformio;
  • cyflogadwyedd y myfyrwyr a’u paratoi at ofynion y diwydiannau perfformio proffesiynol.

Deilliannau’r Rhaglen

Gwybodaeth a Dirnadaeth Bynciol

Dylai myfyrwyr graddedig allu dangos gwybodaeth a dirnadaeth am y canlynol:

  • chyfrwng ac adnoddau mynegiant corfforol a lleisiol sylfaenol y perfformiwr;
  • phrosesau sydd ynghlwm wrth waith creadigol a dyfeisio ystod o destunau ac ymarferwyr ym meysydd drama, cerddoriaeth a dawns;
  • natur a gofynion gwahanol gyfryngau neu lwyfannau perfformio gofynion a phrosesau ymarfer a chynhyrchu perfformiadau;
  • hanes y traddodiad theatrig a’r theatr gerddorol;
  • hanes a datblygiad y ddrama o fewn cyd-destun Cymreig.

Sgiliau Pwnc a Sgiliau Eraill

Cynlluniwyd y rhaglen fel bod modd rhoi cyfleoedd i fyfyrwyr i ddatblygu ac arddangos sgiliau ymarferol fel y gallant:

  • ddadansoddi a dehongli testunau, genre s a hanes drama, cerddoriaeth neu ddawns;
  • gyflawni gwaith ymchwil angenrheidiol (annibynnol ac mewn grŵp) i gyfoethogi eu profiadau creadigol a’u dysg;
  • wireddu sgriptiau, testunau neu sgôr (parod neu ddyfeisiedig) mewn perfformiad ymarferol;
  • wneud defnydd priodol o sgiliau lleisiol a chorfforol mewn perfformiad;
  • gyfrannu at gynhyrchu perfformiadau a/neu ffilm a/neu deledu a/neu radio yn unol â’r  strwythurau a’r dulliau gweithio priodol, e.e. trwy gyfarwyddo, coreograffi, dramayddiaeth, rheoli llwyfan, senograffi, cynhyrchu sain a golau, golygu, hyrwyddo, gweinyddu ac ariannu.

Sgiliau Cyffredinol a Gradd

Cynlluniwyd y radd fel bod modd i raddedigion ddatblygu ystod o fedrau cyffredinol a sgiliau trosglwyddadwy fel y gallant arddangos:

  • sgiliau deallusol, gan gynnwys agweddau beirniadol, dadansoddol neu werthusol;
  • sgiliau creadigol, gan gynnwys ymdrin ac ymateb yn fentrus i syniadau a symbyliadau ar lefel deallusol a/neu gorfforol/lleisiol;
  • sgiliau cyfathrebu - llafar, ysgrifenedig, gweledol neu berfformiadol;
  • gallu i weithio tuag at ddatrys anawsterau (boed yn annibynnol neu o fewn grŵp) er mwyn cyrraedd amcanion creadigol gosodedig;
  • rheolaeth o feichiau gwaith personol a chyrraedd targedau amser penodedig;
  • sgiliau technoleg gwybodaeth ynghyd â hyfedredd wrth ymdrin â rhai offer a chyfryngau technegol.