BA Fframwaith Arfer Proffesiynol

Cynnwys y Cwrs

Nod y Fframwaith Arfer Proffesiynol yw cynnig cyfleoedd dysgu sy’n canolbwyntio ar y myfyriwr, gyda’r cyfleoedd hynny’n rhai hygyrch, hyblyg a chynhwysol. Yn fwy na dim, ei fwriad yw cyflawni anghenion cyflogwyr a’r rheini sy’n gweithio iddynt. Ym mhob achos, cyfunir astudiaeth academaidd â dysgu yn y gweithle i ddarparu pobl â’r wybodaeth, y ddealltwriaeth a’r sgiliau perthnasol iddynt allu gwella perfformiad yn y gwaith ac ennill cymhwyster academaidd.

Bydd y dysgwyr yn gweithio gydag Ymgynghorydd Rhaglen a fydd yn rhoi arweiniad iddynt ac fel arfer ar gael iddynt trwy gydol eu hastudiaethau. Byddant yn cychwyn fel arfer â chynllun dysgu a gallant ennill credydau AU tuag at gymwysterau israddedig mewn Arfer Proffesiynol. Y cymwysterau yw Tystysgrif Addysg Uwch mewn Arfer Proffesiynol, Gradd Sylfaen mewn Arfer Proffesiynol a BA (Anrh) mewn Arfer Proffesiynol.

Cymhwyster
BA (Anrhydedd Sengl)

Dewis Iaith
Saesneg
Cymraeg

Hyd y Cwrs
Mae’n dibynnu ar y modylau a astudir

Gofynion Derbyn

Fel arfer disgwylir ichi fod mewn gweithle sy’n cefnogi eich cais, er y gallai hyn fod yn wirfoddol. Fe’ch gwahoddir i ymweld â’r Brifysgol i drafod y rhaglen. Caiff myfyrwyr eu derbyn ar sail teilyngdod unigol.

Cyfleoedd Gyrfa

Mae’r Fframwaith Arfer Proffesiynol yn caniatáu i chi ennill cymwysterau prifysgol a gydnabyddir yn rhyngwladol ac mae’n canolbwyntio ar ddatblygu eich gyrfa. Mae hefyd yn bosibl astudio ar lefel ôl-raddedig wrth i’ch gyrfa ddatblygu.

Modylau Enghreifftiol

  • Cydnabod ac Achredu Dysgu
  • Cynllun Rhaglen Dysgu yn y Gwaith
  • Gweithio a Dysgu: cyflwyniad i addysg uwch yn y gwaith
  • Dulliau Ymchwil ar gyfer Dysgu yn y Gwaith
  • Cyflwyniad i Fentora
  • Prosiect Dysgu yn y Gwaith
  • Rheoli Prosiectau
  • Astudio Annibynnol
  • Portffolio Cymwyseddau
  • Dwyieithrwydd yn y Gweithle
  • Cymraeg Galwedigaethol (Gwrando a Siarad)
  • Cymraeg Galwedigaethol (Darllen ac Ysgrifennu)

Nodweddion Allweddol

  • Dysgu sy’n ymateb i alw gyda’i ansawdd wedi ei sicrhau ac sydd wedi ei addasu i anghenion unigolion ac anghenion datblygu eu cyflogwyr.
  • Lleolir y dysgu yn bennaf yn y gwaith ac felly mae’n cwtogi ar yr amser sydd ei angen y tu allan i’r gweithle.
  • Cynigir y rhaglenni drwy gyfrwng y Gymraeg a’r Saesneg.
  • Mae achredu dysgu blaenorol yn nodwedd o’r rhaglen, naill ai dysgu drwy brofiad gwaith neu drwy astudiaeth flaenorol.
  • Mae dysgu drwy gymorth technoleg yn caniatáu i bobl ddysgu ar amserau ac mewn mannau sy'n gyfleus iddyn nhw.

Gwybodaeth Bellach

Dyfarniadau

  • Tystysgrif AU
  • Gradd Sylfaen (FdA)
  • BA Anrhydedd

Lleoliad

  • Dysgu yn y gwaith
  • Sesiynau cyflwyno ar Gampws Caerfyrddin

Sut i wneud cais

Cysylltwch â wbl@ydds.ac.uk am ragor o fanylion.