BA Crefydd a Chymdeithas

Cynnwys y Cwrs

Ni allwch gael gwir ddealltwriaeth o'n cymdeithas, ein hanes a'r byd o'n cwmpas heb ddeall rhywbeth am yr amrywiaeth eang o grefyddau sydd yn y byd. Mae'r cwrs yma, felly, wedi'i gynllunio i helpu myfyrwyr ddeall crefyddau yn eu cyd-destunau diwylliannol, cymdeithasegol, hanesyddol, a diwinyddol.

Cewch ddealltwriaeth o'r berthynas ddeinamig rhwng crefydd a chymdeithas a byddwch yn archwilio'r rolau y mae crefydd yn eu chwarae yng nghwestiynau pwysicaf ein cyfnod. Aiff y rhaglen â myfyrwyr heibio'r sylw arwynebol a rodda'r cyfryngau i ddigwyddiadau cyfoes, gan ymdrin yn ddyfnach â hanes, hunaniaeth a goblygiadau ymrwymiad crefyddol i faterion sydd o bwys byd-eang.

Mae'r cwrs yn rhoi cyfle i fyfyrwyr astudio arferion a chredoau Crefyddau’r Byd a thraddodiadau crefyddol eraill. Cyflwynir gwahanol ddulliau o astudio crefydd, gan gynnwys cymdeithaseg, diwinyddiaeth, anthropoleg ac astudiaethau beiblaidd, a rhoddir sylw penodol i le crefydd yn y byd cyfoes. Cewch y cyfle i ymweld ag addoldai ac i feithrin adnabyddiaeth ymarferol, bersonol o ddiwylliannau a chrefyddau 'eraill'.

Achrediad

Mae'r BA Cymdeithas a Chrefydd yn datblygu ystod eang o sgiliau er mwyn paratoi myfyrwyr ar gyfer y byd gwaith. Mae’r maes hwn yn cyfuno dealltwriaeth eang a beirniadol o grefydd yn y byd modern. Mae’n helpu i greu y ' myfyriwr cyflawn' sy’n meddu ar y sgiliau y mae ysgolion cynradd, busnes, gwasanaeth sifil a chyflogwyr eraill yn chwilio amdanynt mewn graddedigion.

Dulliau asesu

Mae'r Ysgol yn defnyddio'r ystod eang o ddull asesu fel bod myfyrwyr yn datblygu amrywiaeth fel sgiliau a fydd yn fantais iddynt yn eu bywyd proffesiynol. Yn ogystal ag asesiadau traethawd traddodiadol, mae'r Ysgol yn defnyddio cyfnodolion dysgu, adolygiadau llyfrau, dadansoddiadau testunol, cyflwyniadau grŵp ac arholiadau. Er enghraifft gall myfyrwyr gyflwyno cyfnodolyn yn sgil teithiau astudio’r Ysgol i safleoedd crefyddol. Mae modiwlau eraill yn ei gwneud yn ofynnol i fyfyrwyr weithio gyda'i gilydd mewn grwpiau, gwneud cyflwyniadau ac archwilio'r rhyngberthynas rhwng y cyfryngau a chrefydd.

Dysgu ac Addysgu dulliau

Mae'r rhaglen yn cynnig cyfuniad o fodiwlau rhagarweiniol ac ar lefel canolig er mwyn gwella gwybodaeth a dealltwriaeth y myfyrwyr, ynghyd â rhai sy’n canolbwyntio ar astudiaeth fwy manwl a dadansoddol. Mae cynnwys y rhaglen yn gwneud defnydd ardderchog o arbenigedd staff, ac y mae’r rhan fwyaf ohonynt yn cymryd rhan mewn gwaith ymchwil a chyhoeddi. Mae teithiau maes, teithiau astudio, siaradwyr gwadd, gwahoddiadau ar gyfer myfyrwyr BA i seminarau ymchwil oll yn gwella’r rhaglen astudio. Mae pob un o'r mentrau hyn yn cael eu hatgyfnerthu drwy arweiniad clir gan ddarlithwyr a thiwtoriaid personol.

Cymhwyster
BA (Anrhydedd Sengl)

Côd UCAS
V600

Hyd y Cwrs
3 blynedd llawn-amser. Rhan-amser ar gael hefyd.

Gofynion Derbyn

Mae’r Ysgol fel arfer yn gwahodd y rhan fwyaf o ymgeiswyr i gyfweliad neu ddiwrnod agored cyn bod unrhyw gynnig yn cael ei wneud. Fel arfer gwneir cynnig i fyfyrwyr yn seiliedig ar eu graddau disgwyliedig am 3 chwrs Safon Uwch, er bod eithriadau i hyn yn seiliedig ar oedran, profiad, amgylchiadau unigol a chymwysterau eraill.

Gwahoddir ymgeiswyr ag unrhyw gwestiynau penodol am y broses i gysylltu â Thiwtor Derbyn yr Ysgol. Nid oes angen cymhwyster Safon Uwch mewn Addysg Grefyddol er mwyn gwneud cais i'r rhaglen hon gan fod yr astudiaeth o grefydd yn tynnu oddi ar ddisgyblaethau eraill megis seicoleg, athroniaeth, cymdeithaseg, hanes, ac ati.

Cyfleoedd Gyrfa

  • Gwasanaethau cymdeithasol
  • Dysgu
  • Sefydliadau cymorth ac elusennol rhyngwladol
  • Twristiaeth, cyfryngau
  • Gwleidyddiaeth a’r Gwasanaeth Sifil

Mae radd yn gymhwyster ddymunol iawn i’r sawl sydd eisiau cyfrannu at y byd gwaith mewn aml-ddiwylliannol, aml-ffydd yng Nghymru a thu hwnt. Mae nifer o'n myfyrwyr yn cael swyddi yn y gwasanaethau cymdeithasol, cwnsela, nyrsio, plismona, gwasanaethau tân ac achub. Mae nifer o fyfyrwyr yn symud ymlaen i gwrs TAR cynradd neu uwchradd mewn Addysg Grefyddol. Mae myfyrwyr eraill yn ychwanegu at eu BA drwy ddilyn astudiaethau ôl-radd sy'n cynnwys agwedd ar grefydd o draddodiadau mawr y byd.

Mae’r Drindod Dewi Sant yn cael ei gydnabod am y nifer o fyfyrwyr sy’n cael gwaith o fewn chwe mis i raddio.

Mae gan y Brifysgol raglen o weithgareddau sy’n helpu myfyrwyr i ennyn sgiliau tuag at y byd gwaith. Darperir rhai o fewn yr Ysgol, Y Gyfadran ac yn wir drwy’r ysgol o wasanaethau a gynigir drwy’r Uned Gwasanaethau Myfyrwyr.

Campws

Campws Caerfyrddin

Modylau Enghreifftiol

  • Profiad Crefyddol
  • Crefyddau Byw
  • Cyflwyniad i’r Beibl
  • Ffwndamentaliaeth
  • Moeseg a’r Crefyddau
  • Addysgu Addysg Grefyddol
  • Y Ferch mewn Iddewiaeth a Christnogaeth Gynnar
  • Crefydd a Ffilm
  • Crefydd a Chymdeithas yng Nghymru
  • Taith Astudio
  • Traethawd hir neu brosiect annibynnol



Nodweddion Allweddol

  • Cwrs amrywiol sy’n ymdrin â chrefydd o safbwynt diwylliannol, cymdeithasegol, moesegol, hanesyddol a diwinyddol.
  • Staff sydd ag arbenigedd cydnabyddedig mewn Diwinyddiaeth, Astudiaethau Crefyddol ac Addysg Grefyddol.
  • Cyfleoedd cyfnewid mewn nifer o wledydd tramor.
  • Cyfleoedd ar gyfer ymweliadau addysgol lleol ac ar gyfer teithiau astudio i wledydd megis Twrci, Sbaen, yr Eidal, Israel-Palesteina.
  • Nifer o fwrsarïau ac ysgoloriaethau.
  • Staff wedi’ï hymroi i ragoriaeth mewn addysgu.
  • Cwrs llawn cyfrwng Cymraeg.
  • Awyrgylch dysgu cefnogol a chyfeillgar