BA Addysg Blynyddoedd

Cynnwys y Cwrs

Babi bach Mae’r ffordd y mae plant yn dysgu yn faes astudio hynod o ddiddorol. Mae ganddi ei fframwaith ei hunan ynghyd â’i hanghenion addysgol arbennig. Mae trafodaethau cyffrous ar waith, sy’n cael eu gyrru’n rhannol gan y Cyfnod Sylfaen a Dechrau’n Deg yng Nghymru, ynghyd â diddordeb mewn diffinio ansawdd ac addasrwydd mewn addysg blynyddoedd cynnar. Caiff y drafodaeth ei gyrru gan ymroddiad cyffredinol i sicrhau addysg o’r safon uchaf i blant ifainc yng Nghymru a thu hwnt.

Mae cael pobl yn gweithio yn y maes sydd wedi derbyn hyfforddiant gadarn, sy’n wybodus, sy’n meddu ar sgiliau ac sy’n hyderus, yn hanfodol i ddarparu gwasanaethau o’r safon uchaf i blant. Mae’r cwrs hwn yn ymateb i’r galw am raddedigion i weithio ym mhob agwedd o wasanaethau addysg i blant ifainc.

Mae’r cwrs yn defnyddio dull holistig o drin sut mae’r plentyn ifanc yn dysgu. Fel myfyriwr byddwch yn edrych ar y ffordd y mae’r plentyn yn datblygu, drwy ddamcaniaeth ac ymarferiad, yn hanesyddol a chyfredol. Byddwch, er enghraifft, yn ystyried datblygiadau mewn ymchwil niwro-wyddonol a’i oblygiadau ar bolisi cyhoeddus a darpariaeth safonol. Byddwch yn astudio agweddau o hanes y plentyn, llythrennedd cynnar, teuluoedd drwy’r oesoedd, y syniad o chwarae, iechyd y plentyn. Byddwch hefyd yn astudio cysyniad diwylliannol plentyndod, llenyddiaeth i blant, gender a phlentyndod.

Caiff myfyrwyr gyfle i ymweld â nifer o wahanol leoliadau. Yn y drydedd flwyddyn byddwch yn ymgymryd â phrosiect arbenigol ac yn cael profiad mewn lleoliad perthnasol. Bydd graddedigion BA Addysg Blynyddoedd Cynnar sy’n meddu ar y wybodaeth, y gwerthoedd a’r ddealltwriaeth angenrheidiol ar gyfer arfer dda, yn gwneud cyfraniadau arwyddocaol i ragoriaeth broffesiynol mewn addysg blynyddoedd cynnar yng Nghymru a thu hwnt.

Cymhwyster
BA (Anrhydedd Sengl)

Côd UCAS
X311

Dewis Iaith
Saesneg
Cymraeg

Hyd y Cwrs
3 blynedd llawn-amser. Rhan-amser ar gael hefyd.

Gofynion Derbyn

Gweler cyflwyniad y Prosbectws

Rydym hefyd yn derbyn myfyrwyr â chymwysterau Diploma CACHE/NNEB. Fe gaiff eich cais i’r Drindod ei ystyried ar sail unigol. Rydym yn gwahodd pob ymgeisydd i gyfarfod â ni er mwyn trafod y cwrs a’r brifysgol.

Cyfleoedd Gyrfa

  • Gwaith gyda phlant ifainc
  • Gwaith cymdeithasol (gyda chymhwyster proffesiynol)
  • Gwaith gyda’r gymuned a theuluoedd megis Dechrau’n Deg
  • Seicoleg addysgol/ datblygiadol
  • Gwaith arbenigol mewn llyfrgell, ee, Tegannau
  • Rheolydd Uwch mewn meithrinfa
  • Ymchwil addysgol
  • Sector gwirfoddol a gwaith cymunedol

Adran

Ysgol Plentyndod Cynnar

Campws

Campws Caerfyrddin

Modylau Enghreifftiol

  • Cyflwyniad i Ddatblygiad Dynol
  • Egwyddorion ac Ymarfer Amrywiaeth, Cydraddoldeb a Chynhwysiant yn y Blynyddoedd Cynnar
  • Caffael Iaith Plant
  • Camu Allan: Dysgu yn yr Awyr Agored
  • Rheoli a Gweithio mewn tîm mewn cyd-destunau Blynyddoedd Cynnar

Nodweddion Allweddol

  • Astudiaeth academaidd arbenigol (ee gofal plant, seicoleg, hanes plentyndod, datblygiad iaith y plentyn)
  • Lleoliadau ymarferol i wahanol leoedd ee llyfrgelloedd teganau, dosbarthiadau derbyn, ysgolion meithrin, y sector gwirfoddol
  • Gweithdai ymarferol ee Creadigrwydd y Plentyn Ifanc, Cerddoriaeth yn ystod Blynyddoedd Cynnar, Babanod a Llyfrau
  • Ymweliadau i ganolfannau arbenigol (ee Ysgol Steiner, Canolfan Montessori, lleoliad blynyddoedd cynnar lle defnyddir ieithoedd ethnig)
  • Mae gan y Brifysgol dros 150 o flynyddoedd o brofiad ym maes addysg
  • Mae’r Brifysgol yn arbenigo mewn addysg ddwyieithog a darpariaeth ddwyieithog
  • Mae gennym bartneriaethau gyda dros 250 o ysgolion cynradd, a nifer o ganolfannau addysg yng Nghymru
  • Meysydd arbenigol yn cynnwys llythrennedd cynnar, dwyieithrwydd, anghenion addysgol arbennig, chwarae yn yr awyr agored ac ysgolion fforest
  • Meithrinfa ar y campws

Pam astudio yn y Brifysgol hon?

  • Mae gan y Coleg 150 o flynyddoedd o brofiad ym maes Addysg
  • Staff cwrs gydag arbenigedd yn y blynyddoedd cynnar: llythrennedd cynnar, dwyieithrwydd, Ysgolion Coedwig, anghenion arbennig, amddiffyn plant, amryfal ddulliau rhyngwladol
  • Profiad ac arbenigedd y Coleg, sydd wedi hen ennill eu plwyf, yn yr iaith Gymraeg a darpariaeth ddwyieithog ynghyd â’r Cwricwlwm Cymreig
  • Cysylltiadau agos gydag amrywiaeth o ddarpariaethau yng Ngorllewin Cymru
  • Canolfan Adnoddau Addysgol arbenigol
  • Meithrinfa wedi’i chodi’n bwrpasol ar y campws – ‘Gamfa Wen’

Manylebau Rhaglen

Prif amcanion addysgol y rhaglen yw:

  • Rhoi dealltwriaeth gynyddol i fyfyrwyr o natur integredig a chyfannol gofal ac anghenion dysgu plant ifainc o’r cyfnod cyn geni tan eu bod yn bump oed;
  • Rhoi dealltwriaeth drylwyr i fyfyrwyr o bwysigrwydd chwarae yn natblygiad gwybyddol, cymdeithasol, emosiynol ac ieithyddol plant ifainc;
  • Rhoi dealltwriaeth drylwyr i fyfyrwyr o faterion ansawdd mewn darpariaeth blynyddoedd cynnar;
  • Rhoi dealltwriaeth fras i fyfyrwyr o natur materion addysgol a chymdeithasol yn gyffredinol, a’u harwyddocâd o ran darpariaeth o ansawdd i blant ifainc; Rhoi profiad ymarferol i fyfyrwyr o weithio gyda phlant ifainc a’u teuluoedd mewn amrywiol sefyllfaoedd.

Deilliannau’r Rhaglen

Gwybodaeth a Dealltwriaeth

  • ymwybyddiaeth o’r gwerthoedd a’r egwyddorion sylfaenol sy’n berthnasol i addysg plant ifainc;
  • gwybodaeth o’r amrywiaeth o ddysgwyr a chymhlethdodau’r broses addysgol;
  • ymwybyddiaeth o’r gwahanol gyd-destunau y gall dysgu ddigwydd ynddynt a’r ystod o rolau gwahanol i gyfranogion yn y broses ddysgu;
  • peth dealltwriaeth o strwythurau cymdeithasol a chyfundrefnol a dibenion systemau addysgol;
  • y gallu i ddewis ystod o ffynonellau gwreiddiol ac eilaidd perthnasol, gan gynnwys rhai damcaniaethol a thystiolaeth yn seiliedig ar ymchwil, er mwyn ymestyn eu gwybodaeth a’u dealltwriaeth;

Defnyddio

  • y gallu sylfaenol i ddadansoddi cysyniadau, damcaniaethau a materion polisi addysgol mewn ffordd systematig;
  • gallu cynyddol i adnabod ac ystyried cysylltiadau a bylchau posib rhwng pob agwedd o’u gwybodaeth bynciol a’u defnydd mewn cyd-destunau addysgol;
  • y gallu i ymaddasu i egwyddorion a dealltwriaethau newydd, gan gynnwys awgrymu ffyrdd ymlaen a newidiadau dichonol i arferion;

Ystyried

  • y gallu sylfaenol i ystyried eu gwerthoedd eu hunain;
  • y gallu i godi cwestiynau ynglŷn â’r cysyniadau a’r damcaniaethau maent wedi cyfarfod â hwy yn eu hastudiaethau;
  • dealltwriaeth sylfaenol o arwyddocâd a chyfyngiadau damcaniaethau ac ymchwil;

Sgiliau Trosglwyddadwy (1)

  • y gallu i gyfathrebu ar lafar ac ar bapur gan ddefnyddio geirfa arbenigol berthnasol;
  • y gallu i ddefnyddio TGCh ar gyfer eu hastudiaethau a sefyllfaoedd priodol eraill;
  • y gallu i ddehongli data sydd wedi’i gyflwyno ar ffurf graff neu dabl yn ogystal â’r gallu i gasglu a chyflwyno data rhifiadol;
  • y gallu i weithio yn effeithiol fel rhan o dîm, gan gyflawni’r rolau a ddyrannwyd a’r cyfrifoldebau y cytunwyd arnynt;

Sgiliau Trosglwyddadwy (2)

  • y ddealltwriaeth a’r gallu i fynegi’r dulliau dysgu a’r strategaethau sy’n well ganddynt a’r gallu i reoli eu datblygiad er mwyn trefnu patrwm gwaith effeithiol, gan gynnwys gweithio yn ôl terfynau amser;
  • y gallu i brosesu a chyfosod data empirig a damcaniaethol wrth wynebu tasgau a llunio gweithredoedd posib.

Gwybodaeth Bellach

  • Tyst AU Rheolaeth Meithrinfeydd
  • Tyst AU Ymarfer Cymraeg a Dwyieithrwydd yn y Blynyddoedd Cynnar
  • Dip ol-radd Cyfnod Sylfaen
  • MA Addysg Blynyddoedd Cynnar