BA Addysg Awyr Agored

Cynnwys y Cwrs

Mae'r dull amlddisgyblaethol o gyflwyno Addysg Awyr Agored yn manteisio ar theori addysg, arweinyddiaeth ac amgylcheddol i archwilio potensial yr amgylchedd naturiol i gynnig ffordd wahanol o ddysgu sy'n seiliedig ar brofiad.

Mae gan Addysg Awyr Agored lawer i'w gynnig fel ffordd weithredol, gynhwysol a naturiol o ddysgu sy'n datblygu perthnasoedd cadarnhaol rhwng yr unigolyn, grwˆp a'r amgylchedd.

Mae mwy a mwy o gyfleoedd gwaith ar gael mewn addysg, hamdden, datblygu cymunedol, twristiaeth antur a chynaliadwyedd amgylcheddol. Fe'i cydnabyddir yn ddull gwerthfawr o ddatblygu'r sgiliau trosglwyddadwy sy'n berthnasol i holl sectorau'r gweithle yn yr 21ain ganrif.

Cymhwyster
BA (Anrhydedd Sengl)

Côd UCAS
X390

Dewis Iaith
Saesneg
Cymraeg

Hyd y Cwrs
3 blynedd llawn-amser; Rhan-amser ar gael hefyd

Gofynion Derbyn

Gweler cyflwyniad y Prosbectws

Fe'ch gwahoddir i ymweld â'r Brifysgol i drafod y cwrs. Mae mynediad yn dibynnu ar deilyngdod unigol yr ymgeisydd.

Cyfleoedd Gyrfa

• Hyfforddwr/Hwylusydd Awyr Agored
• Gweithiwr Datblygu Cymunedol Awyr Agored
• Hyfforddwr Awyr Agored/Antur Llawrydd//Eco-Dwristiaeth
• Sefydliadau Amgylcheddol a Chadwraeth
• Addysgu (yn amodol ar TAR)
• Gwasanaethau Awdurdodau Lleol - Swyddog Gweithgareddau Awyr Agored
• Y Lluoedd Arfog a'r Heddlu

Adran

Ysgol Chwaraeon, Iechyd ac Addysg Awyr Agored

Campws

Campws Caerfyrddin

Modylau Enghreifftiol

• Athroniaeth a Dulliau Addysg Awyr Agored
• Theori ac ymarfer hwyluso
• Sgiliau Arweinyddiaeth yn yr Awyr Agored (crefft mynydda, dringo creigiau, caiacio/canwˆio, beicio mynydd, arfordira)
• Yr Amgylchedd Naturiol a Systemau-Eco
• O Ddesgiau i Wâliau (mynd tu allan i'r ystafell ddosbarth)
• Effeithiau Hamdden Awyr Agored
• Addysg Awyr Agored yn y Gymuned
• Lleoliad Proffesiynol (30 diwrnod)
• Hyfforddiant a Datblygiad Personol
• Dulliau Ymchwil ar gyfer gwerthuso dysgu awyr agored
• Astudiaethau Alldeithiau
• Tirwedd a Hamdden yng Nghymru
• Agweddau Naws am Le at yr Amgylchedd Awyr Agored
• Materion Cyfoes Addysg Awyr Agored
• Traethawd hir

Nodweddion Allweddol

• Modylau perfformiad ymarferol ym Mlynyddoedd 1 a 2, gan gynnwys modwl alldaith annibynnol ym mlwyddyn 2
• Cyfleoedd i ennill cymwysterau Corff Llywodraethu Cenedlaethol
• Profiad gwaith mewn nifer o leoliadau addysg awyr agored gwahanol
• Cwrs heriol ar gyfer twf a datblygiad personol
• Gogwydd ymarferol a galwedigaethol i'r cwrs
• Campws bach a chyfeillgar gyda mynediad hwylus i amrywiaeth eang o gyfleoedd ardderchog ar gyfer hamdden yn yr awyr agored
• Cysylltiadau da â llawer o sefydliadau masnachol a chyhoeddus ym maes addysg awyr agored
• Cyfleusterau ac offer ardderchog
• Staff profiadol iawn â chymwysterau helaeth gyda chymarebau staff/myfyrwyr da
• Cyfleoedd i astudio yn UDA/Norwy
• Mae alldeithiau tramor diweddar yn cynnwys: Nepal, Norwy, Sardinia, Sbaen, Moroco a Gwlad Groeg

Pam astudio yn y Brifysgol hon?

• Campws bach a chyfeillgar gyda mynediad hwylus i amrywiaeth eang o gyfleoedd ardderchog ar gyfer hamdden yn yr awyr agored
• Cysylltiadau da â llawer o sefydliadau masnachol a chyhoeddus ym maes addysg awyr agored
• Cyfleusterau ac offer ardderchog
• Staff profiadol iawn â chymwysterau helaeth gyda chymarebau staff/myfyrwyr da
• Cyfleoedd i astudio yn yr UDA ac Ewrop
• Canolfan achrededig Gwobr Dug Caeredin

Manylebau Rhaglen

Dyma brif amcanion addysgol y rhaglen:

• Creu graddedigion adfyfyriol â gallu academaidd helaeth.
• Datblygu’r wybodaeth graidd a’r sgiliau allweddol mae’u hangen ar raddedigion sy’n gweithio ym myd addysg awyr agored.
• Datblygu sgiliau trosglwyddadwy cyffredinol y myfyriwr sy’n berthnasol i gyfleoedd gyrfa yn gysylltiedig ag addysg awyr agored, a rhai mwy eang.

Deilliannau’r Rhaglen

Gwybodaeth a dealltwriaeth

• Dadansoddi ac adfyfyrio ar yr amgylchedd lle mae gweithgareddau hamdden yn digwydd.
• Esbonio patrwm a natur ddeinamig amrywiaeth ofodol ym maes ffisegol prosesau arwyneb y Ddaear, dŵr, tirffurfiau, hinsawdd, llystyfiant a phriddoedd.
• Deall achosion dynol pethau sy’n effeithio ar yr amgylchedd a’u canlyniadau.
• Adfyfyrio’n feirniadol ar rôl y sefydliadau a strwythurau hynny sydd â chyfrifoldeb am hyrwyddo addysg awyr agored neu am hyfforddi ymarferwyr addysg awyr agored.
• Arddangos y sgiliau sy’n angenrheidiol i gyflwyno profiad addysg awyr agored ac i adfyfyrio arno gyda grŵp penodol.
• Dealltwriaeth ac ymwybyddiaeth feirniadol o’r materion moesegol, amgylcheddol a chyfreithiol sy’n tanategu arfer gorau mewn addysg awyr agored.
• Arddangos gwybodaeth am ymatebion dynol i broblemau amgylcheddol: asesu, rheoli a pholisi effeithiau amgylcheddol; rheoli yn seiliedig ar risg; yr egwyddor ragofalus; cyfyngu ar dwf; cynaladwyedd a datblygu cynaliadwy.

Sgiliau Gwybyddol

• Ymchwilio ac asesu ffeithiau, damcaniaethau, patrymau, egwyddorion a chysyniadau pwnc-benodol.
• Asesu data a thestunau yn feirniadol a’u gwerthuso.
• Disgrifio a dadansoddi gwybodaeth.
• Cymhwyso gwybodaeth at ddatrys problemau cyfarwydd ac anghyfarwydd.
• Datblygu dadl resymedig a herio rhagdybiaethau.
• Arddangos gwybodaeth gyfunol am gwmpas ac ehangder y pwnc (addysg awyr agored).
• Derbyn cyfrifoldeb am eu dysgu eu hunain a'u datblygiad proffesiynol parhaus.

Sgiliau Ymarferol

• Cynllunio, dylunio a gweithredu gweithgareddau ymarferol gan ddefnyddio technegau a gweithdrefnau priodol.
• Ymgymryd â gwaith maes mewn dull diogel a chyfrifol, gan roi sylw dyledus i asesu risg, hawliau mynediad, rheoliadau iechyd a diogelwch perthnasol, a sensitifrwydd i’r effaith ar yr amgylchedd a rhanddeiliaid. 
• Cynllunio, dylunio, gweithredu a chyfathrebu darn estynedig o waith deallusol annibynnol gan ddefnyddio cyfryngau priodol.
• Adnabod ac ymateb i faterion moesol, moesegol a diogelwch sy’n uniongyrchol berthnasol i’r pwnc, yn cynnwys deddfwriaeth a chodau ymddygiad proffesiynol perthnasol.
• Arddangos sgiliau a gwybodaeth reoli sy’n berthnasol i’r alwedigaeth trwy brofi arfer proffesiynol.
• Gwerthfawrogi materion dethol samplau, cywirdeb, trachywirdeb ac ansicrwydd yn ystod casglu, cofnodi a dadansoddi data yn y maes.
• Arddangos gallu i baratoi, prosesu, dehongli a chyflwyno data, gan ddefnyddio technegau a phecynnau ansoddol a meintiol priodol.
• Defnyddio’r rhyngrwyd fel dull cyfathrebu a ffynhonnell gwybodaeth.

Sgiliau Allweddol

• Sgiliau cyfathrebu a chyflwyno.
• Sgiliau rhifedd a TGCh.
• Sgiliau rhyngweithiol a sgiliau grŵp.
• Sgiliau datrys problemau.
• Y gallu i hunan arfarnu ac adfyfyrio ar arfer.
• Y gallu i gynllunio a rheoli dysgu.
• Dynodi a gweithio tuag at dargedau datblygiad personol, academaidd ac o ran gyrfa.

Gwybodaeth Bellach

Cydlynydd Rhaglen: Andy Williams
Ffon: 01267 666647
Ebost: a.williams@ydds.ac.uk